தங்கத்தின் தூய்மையை நீங்களே சரிபார்க்க எளிய வழிகள் (குறிப்பு வழிகாட்டிக்காக மட்டுமே)*

தங்க நகைகளின் மதிப்பு மற்றும் தரத்தைப் புரிந்துகொள்வதில் தங்கத்தின் தூய்மை முக்கிய பங்கு வகிக்கிறது. துல்லியமான தூய்மை சோதனைக்கு தொழில்முறை உபகரணங்கள் மற்றும் சான்றளிக்கப்பட்ட சோதனை மையங்கள் தேவைப்பட்டாலும், தங்கம் தூய்மையானதா அல்லது அது மற்ற உலோகங்களுடன் கலக்கப்பட்டதா என்பதற்கான அடிப்படை அறிகுறியைப் பெற வீட்டிலேயே பயன்படுத்தக்கூடிய சில எளிய முறைகள் உள்ளன. கீழே விளக்கப்பட்டுள்ள முறைகள் குறிப்பு நோக்கங்களுக்காக மட்டுமே; மேலும், இது தூய்மையற்ற தன்மையின் வெளிப்படையான அறிகுறிகளை அடையாளம் காண உங்களுக்கு உதவும்; ஆனால் அவை தொழில்முறை தூய்மை சோதனைக்கு மாற்றாகக் கருதப்படக்கூடாது.

1. காந்த சோதனை

• என்ன செய்ய வேண்டும்: தங்க ஆபரணத்தின் அருகே ஒரு காந்தத்தைப் பிடிக்கவும்.
  –
• சரிபார்க்க: தூய தங்கம் காந்தத்தன்மையற்றது, எனவே நகைகள் காந்தத்தால் ஈர்க்கப்பட்டால், அதில் மற்ற உலோகங்களும் இருக்கலாம்.
  –
• எச்சரிக்கை: இதன் மூலம் இரும்பு அல்லது நிக்கல் போன்ற காந்த உலோகங்களை மட்டுமே நீங்கள் கண்டுபிடிக்க முடியும். தாமிரம் போன்ற காந்தமற்ற உலோகங்கள் இங்கு காணப்படாது.

2. மிதவை சோதனை

• என்ன செய்வது: தங்கப் பொருளை ஒரு கிளாஸ் தண்ணீரில் போடுங்கள்.
  –
• சரிபார்க்க: தூய தங்கம் அடர்த்தியானது, அது கீழே மூழ்கிவிடும். அது மிதந்தால், அது போலியாகவோ அல்லது இலகுவான உலோகங்களுடன் கலந்ததாகவோ இருக்கலாம்.
  –
• எச்சரிக்கை: இந்த சோதனை தூய தங்கத்தையும் அசுத்த தங்கத்தையும் வேறுபடுத்துவதில்லை. ஆனால் இந்த சோதனையின் மூலம் அதிக அளவில் கலப்படம் செய்யப்பட்ட தங்கத்தை நீங்கள் அடையாளம் காணலாம்.

3. செராமிக் மேற்பரப்பில் உரைத்து சோதனை

• என்ன செய்ய வேண்டும்: தங்கத்தை ஒரு மென்மையற்ற (மெருகேற்றப்படாத) பீங்கான் (செராமிக்) தட்டில் உரைக்கவும்.
  –
• சரிபார்க்க: இதைச் செய்யும்போது தங்க நிறத்தில் ஒரு கோடு தோன்றினால், அது உண்மையான தங்கமாக இருக்கலாம். அதற்கு பதிலாக கருப்பு கோடு காட்டினால், தங்கம் போலியாகவோ அல்லது குறைந்த தூய்மை கொண்ட தங்கமாகவோ இருக்கலாம்.
  –
• எச்சரிக்கை: உங்கள் தங்க நகைகளை சேதப்படுத்தாமல் இருக்க மென்மையாக செயல்படுங்கள்.

4. வினிகர் சோதனை

• என்ன செய்ய வேண்டும்: தங்க ஆபரணத்தின் மீது சில துளிகள் வினிகரை வைக்கவும்; அல்லது தங்கத்தை வினிகரில் சில நிமிடங்கள் ஊற வைக்கவும்.
  –
• சரிபார்க்க : தூய தங்கம் வினிகருடன் வினைபுரியாது. உலோகம் நிறம் மாறினால் அல்லது மங்கிவிட்டால், அது தூய தங்கம் அல்ல.
  –
• எச்சரிக்கை: ஆபரணத்தில் உள்ள மற்ற உலோகங்களை சேதப்படுத்தாமல் இருக்க இந்த சோதனையை கவனமாகப் பயன்படுத்தவும்.

5. நைட்ரிக் அமில சோதனை

• என்ன செய்ய வேண்டும்: தங்க ஆபரணத்தின் மீது ஒரு சிறிய துளி நைட்ரிக் அமிலத்தைப் பூசவும்.
  –
• சரிபார்க்க: உண்மையான தங்கம் நைட்ரிக் அமிலத்துடன் வினைபுரியாது. போலி பொருள் அல்லது தூய்மையற்ற தங்கம் பச்சை அல்லது கருப்பு நிறமாக மாறக்கூடும்; இது ஒரு வேதியியல் மாற்றத்தைக் குறிக்கிறது.
  –
• எச்சரிக்கை: நைட்ரிக் அமிலம் ஒரு வலுவான இரசாயனப் பொருள்; பாதுகாப்பு உபகரணங்களைப் பயன்படுத்தி, திறந்தவெளியிலோ அல்லது நன்கு காற்றோட்டமான இடத்திலோ இந்தப் பரிசோதனையைச் செய்யுங்கள்.

6. BIS ஹால்மார்க் சரிபார்ப்பு

• என்ன செய்ய வேண்டும்: தங்கத்தின் மீது ‘இந்திய தர நிர்ணய பணியகம்’ (BIS) ஹால்மார்க் இருக்கிறதா என்று பாருங்கள், பொதுவாக அது ஒரு சிறிய, அச்சிடப்பட்ட சின்னமாக இருக்கும்.
  –
• சரிபார்க்க: தங்கம் இந்தியாவின் தூய்மைத் தரநிலைகளைக் கொண்டுள்ளது என்பதை ஹால்மார்க் சான்றளிக்கிறது. BIS லோகோ, காரட்களில் தூய்மை (எ.கா., 22K) மற்றும் ஹால்மார்க் செய்யப்பட்ட ஆண்டு ஆகியவற்றைப் பாருங்கள்.
  –
• எச்சரிக்கை: BIS ஹால்மார்க் எப்படி இருக்கும் என்பதை நன்கு அறிந்திருங்கள். இது அறிகுறிகள் உண்மையானவை என்பதை அறிய உதவுகிறது.

7. தங்க அடர்த்தி சோதனை

• என்ன செய்ய வேண்டும்: உங்கள் தங்கத்தை எடைபோட்டு அதன் எடையை அறிந்து கொள்ளுங்கள்; பின்னர் அதை தண்ணீரில் மூழ்கடிப்பதன் மூலம் அதன் அளவைக் காணுங்கள்.
  –
• சரிபார்க்க: தூய தங்கத்தின் அடர்த்தி சுமார் 19.3 கிராம்/செ.மீ³ ஆகும். இப்போது நீங்கள் அடர்த்தியைக் கணக்கிடலாம் – எடையை, கன அளவால் (நீர் இடப்பெயர்ச்சி) வகுப்பதன் மூலம்.
  –
• எச்சரிக்கை: துல்லியமான முடிவைப் பெற இந்த சோதனைக்கு துல்லியமான அளவீட்டு உபகரணங்கள் தேவை.

8. உரைக்கல் சோதனை

• என்ன செய்ய வேண்டும்: ஒரு உரைக்கல்லை (மென்மையான, கருப்பு நிறக் கல்) பயன்படுத்தி, தங்கத்தின் நேர் கோட்டைப் பெற அதன் மேற்பரப்பில் தங்கத்தை மெதுவாகத் தேய்க்கவும்.
  –
• சரிபார்க்க: தூய தங்கமாக இருந்தால், நிறம் நல்ல அடர் மஞ்சள் நிறமாகத் தோன்ற வேண்டும். நிறம் மந்தமாக இருந்தால் அல்லது தங்கத்தின் இயற்கையான பளபளப்பு இல்லாதது போன்றவற்றில், அது மற்ற உலோகங்கள் அல்லது அசுத்தங்கள் இருப்பதைக் குறிக்கலாம். நகைக் கடைகள் மற்றும் திறமையான பொற்கொல்லர்கள் பெரும்பாலும் இந்த சோதனையைச் செய்கிறார்கள் – ஏனெனில் தூய்மையை தீர்மானிக்க சரியான நிறத்தைப் புரிந்துகொள்ள ஒரு நிபுணரின் கண் தேவைப்படுகிறது.
  –
  உங்களிடம் முன்கூட்டியே தூய்மை தெரிந்த தங்கம் இருந்தால் (உதாரணமாக 916 தங்கம்), அதை எடுத்து உரைக்கல்லில் ஒரு நேர்கோட்டை வரையவும். பின்னர் நீங்கள் சோதிக்க விரும்பும் தங்கத்திற்கும் அவ்வாறே செய்யுங்கள். இரண்டு கோடுகளும் ஒரே நிறத்தில் இருந்தால், சோதிக்கப்பட்ட தங்கம் 916 தங்கமாக இருக்கலாம்.
  –
• எச்சரிக்கை: இந்த சோதனைக்கு பயிற்சி தேவை, மேலும், முடிவுகளை துல்லியமாக விளக்குவதற்கு ஒரு அனுபவம் வாய்ந்த நிபுணர் தேவை. தவறாக நடத்தப்படும் சோதனை தவறான புரிதலுக்கு வழிவகுக்கும், எனவே இதை நிபுணர்களிடம் விட்டுவிடுவது நல்லது. இந்த முறை பெரும்பாலும் பொற்கொல்லர்கள் மற்றும் நகைக்கடைக்காரர்களால் பயன்படுத்தப்படுகிறது. ஏன்? தெரிந்த தூய தங்கத்துடன் ஒப்பிடும்போது, ​​உரைக்கல்லில் உள்ள கோட்டின் நிறம் அதன் தூய்மையைப் புரிந்துகொள்ள உதவும்.

* இந்த முறைகள் வீட்டிலேயே தங்கத்தின் தூய்மையைப் பற்றிய நியாயமான குறிப்பைக் கொடுக்கலாம். இவை அனைத்தும் ஆரம்ப நிலை சோதனைகள் மட்டுமே; துல்லியமான முடிவுகளுக்கு நிபுணர் பரிசோதனை அவசியம் – மிகவும் துல்லியமான முடிவுகளுக்கு, ஒரு தொழில்முறை நகைக்கடைக்காரர் அல்லது சோதனை மையம் மிகவும் நம்பகமானதாக இருக்கும்.

---

---